Thursday, March 5, 2009

TINANOK NGA KASAG

Kabudlay sing bugsay. Katugnaw sang hangin. Linaw ang dagat. Ari akoy kuha. Unom da gayud ka buok kasag. Daginuton ta ini.

Ini lutuon sa mainit nga kyayo. Para sa kasayon sa tanan, amo ini ang mga sagul tag timplada:

6 ka buok kasag
1 ka kutsarita nga langgaw
1 ka kutsarita nga asin
1/2 sa tasa nga tubig

Hugas ang kasag. Isyud sa kaldero. Isagul ang langgaw, asin tag tubig. Tabuni pag-ayo ang kardero. Lutoa ang kasag sa init kaayo nga kyayo syud sa 10 minutos. Hinayan ang kyayo human sa 10 minutos tag padayonon ang pagluto syud sa 5 minutos o hangtud nga mopwa ang kasag.Kon tag damo na ang imo lutuon pareha sa gibaligya sa tyanggi. Didto ka sa luyo sa inyo byay magluto... kon way luyo inyo byay, sa atubangan, kon way atubangan... ayaw na lan pagluto kay mapurhwesyo pa naton ang silingan.

Ang punto amo nga kinahanglan man gyud nga init kaayo ang kyayo nga imo gikinahanglan. Ug kinahanglan syud sa 10 minutos, dili gayud mokibra ang kyayo. Daw amo kayong nagdabok ka bah.

Linipak nga kawayan ang gigamit namon diri sa Bantayan sa pagluto sing tagdamo nga kasag.Kung damo, ayaw na butangi sing tubig ang kasag. Maluto da ina sa kaugalingon niya nga tubig.

2 comments: